ᠶᠣᠬᠠᠨᠨᠢ ᠮᠠᠷᠯᠦᠢ ( ᠵᠧᠨᠨᠧᠨ ᠮᠧᠯᠧᠮ ) ᠬᠦᠦ ᠳᠡᠭᠡᠨ ᠶᠣᠰᠣᠯᠠᠯ ᠶᠠᠪᠤᠭᠤᠯᠤᠭᠰᠠᠨ ᠠᠴᠠ ᠭᠢᠨᠳᠠᠨ ᠤ 14 ᠵᠢᠯ ᠦᠨ ᠦᠯᠢᠭᠡᠷ ᠲᠦ ᠣᠷᠣᠵᠠᠶ ᠃

ᠬᠣᠶᠠᠷ ᠬᠠᠮᠠᠭᠠᠯᠠᠭᠴᠢ ᠮᠢᠨᠦ ᠱᠣᠷᠣᠩ ᠳᠤ ᠣᠷᠣᠵᠤ ᠂ ᠭᠤᠷᠪᠠᠳᠠᠬᠢ ᠬᠠᠮᠠᠭᠠᠯᠠᠭᠴᠢ ᠡᠭᠦᠳᠡᠨ ᠳᠡᠭᠡᠷ᠎ᠡ ᠬᠦᠯᠢᠶᠡᠵᠦ ᠪᠠᠶᠢᠨ᠎ᠠ ᠃ ᠬᠣᠶᠠᠳᠤᠭᠠᠷ ᠬᠠᠮᠠᠭᠠᠯᠠᠭᠴᠢ ᠨᠡᠯᠢᠶᠡᠳ ᠥᠨᠳᠥᠷ ᠂ ᠲᠤᠷᠠᠩᠬᠠᠢ ᠳᠣᠷᠣᠬ ᠮᠣᠳᠣ ᠶᠢ ᠴᠢᠷᠴᠦ ᠭᠢᠨᠳᠠᠨ ᠳᠤ ᠣᠷᠣᠬᠤ ᠦᠶ᠎ᠡ ᠳᠦ ᠂ ᠨᠢᠭᠡᠳᠦᠭᠡᠷ ᠬᠠᠷᠠᠴᠠ ᠨᠠᠮᠠᠢ᠌ ᠬᠣᠢ᠌ᠰᠢ ᠲᠦᠯᠬᠢᠪᠡ ᠃ ᠮᠢᠨᠦ ᠲᠠᠷᠢᠬᠢ ᠲᠣᠯᠣᠭᠠᠢ ᠨᠢᠰᠬᠦ ᠬᠤᠷᠳᠤᠨ ᠠᠵᠢᠯᠯᠠᠵᠤ ᠪᠠᠢ᠌ᠨ᠎ᠠ ᠃ ᠡᠨᠡ ᠶᠠᠭᠤ ᠪᠠᠢ᠌ᠵᠤ ᠮᠡᠳᠡᠨ᠎ᠡ ? ᠪᠢ ᠠᠶᠤᠵᠤ ᠵᠣᠪᠠᠵᠤ ᠪᠠᠢ᠌ᠨ᠎ᠠ ᠃ ᠪᠢ ᠬᠠᠮᠠᠭᠠᠯᠠᠭᠴᠢ ᠨᠢᠳᠤᠷᠭ᠎ᠠ ᠂ ᠭᠤᠲᠤᠯ ᠂ ᠰᠢᠳᠠᠮ ᠢ ᠴᠣᠬᠢᠵᠤ ᠨᠠᠳᠠ ᠶᠢ ᠲᠣᠭ᠎ᠠ ᠲᠣᠮᠰᠢ ᠦᠭᠡᠢ ᠤᠳᠠᠭ᠎ᠠ ᠴᠣᠬᠢᠬᠤ ᠶᠢ ᠪᠣᠳᠣᠵᠤ ᠣᠯᠵᠠᠢ ᠃ ᠨᠢᠭᠡᠳᠦᠭᠡᠷ ᠬᠠᠮᠠᠭᠠᠯᠠᠭᠴᠢ ᠨᠠᠮᠠᠢ᠌ ᠮᠢᠨᠦ ᠳᠡᠪᠢᠰᠬᠡᠷ ᠢ ᠲᠦᠯᠬᠢᠵᠦ ᠠᠪᠠᠴᠢᠵᠠᠢ ᠃ ᠮᠣᠳᠣᠨ ᠵᠢᠶᠠᠰᠠ ᠶᠢ ᠮᠢᠨᠦ ᠡᠮᠦᠨ᠎ᠡ ᠲᠦᠯᠬᠢᠭᠳᠡᠵᠡᠢ ᠃ ᠪᠢ ᠳᠤᠲᠠᠭᠠᠬᠤ ᠭᠠᠵᠠᠷ ᠦᠭᠡᠢ ᠂ ᠳᠤᠲᠠᠭᠠᠬᠤ ᠠᠷᠭ᠎ᠠ ᠦᠭᠡᠢ ! ᠮᠢᠨᠦ ᠰᠡᠳᠭᠢᠯ ᠰᠢᠷᠦᠭᠦᠨ ᠦᠰᠦᠷᠦᠨ ᠬᠥᠳᠡᠯᠦᠨ᠎ᠡ ! ᠨᠢᠭᠡᠳᠦᠭᠡᠷ ᠬᠠᠮᠠᠭᠠᠯᠠᠭᠴᠢ ᠮᠢᠨᠦ ᠲᠠᠷᠢᠬᠢ ᠶᠢ ᠪᠠᠷᠢᠭᠰᠠᠨ ᠤ ᠳᠠᠷᠠᠭ᠎ᠠ ᠂ ᠨᠠᠮᠠᠢ᠌ ᠤᠷᠤᠭᠰᠢ ᠲᠠᠲᠠᠵᠤ ᠂ ᠨᠠᠮᠠᠢ᠌ ᠳᠣᠩᠭᠣᠨ ᠮᠣᠳᠣᠨ ᠵᠢᠶᠠᠰᠠᠨ ᠳᠡᠭᠡᠷ᠎ᠡ ᠲᠦᠯᠬᠢᠵᠦ ᠤᠨᠠᠭᠠᠵᠠᠢ ᠃ ᠠᠶᠤᠵᠤ ᠢᠷᠡᠶ᠎ᠡ ! ᠲᠡᠳᠡ ᠨᠠᠮᠠᠢ᠌ ᠠᠯᠪᠠᠳᠠᠨ ᠤᠵᠢᠳᠬᠠᠬᠤ ᠭᠡᠵᠦ ᠪᠠᠢ᠌ᠨ᠎ᠠ ᠤᠤ ? ᠭᠤᠷᠪᠠᠳᠤᠭᠠᠷ ᠰᠠᠬᠢᠭᠴᠢ ᠬᠠᠮᠠᠭᠠᠯᠠᠯᠲᠠ ᠬᠣᠶᠠᠳᠠᠬᠢ ᠰᠠᠬᠢᠯᠭ᠎ᠠ ᠪᠠᠲᠤ ᠶᠢ ᠬᠠᠮᠠᠭᠠᠯᠠᠬᠤ ᠵᠦᠭ ᠡᠳᠦᠢ ᠲᠡᠳᠦᠢ ᠲᠣᠬᠢᠶᠠᠯᠳᠤᠯ ᠬᠠᠶᠠᠪᠠ ᠃ ᠬᠣᠶᠠᠷ ᠬᠠᠮᠠᠭᠠᠯᠠᠭᠴᠢ ᠮᠢᠨᠦ ᠭᠠᠷ ᠤᠨ ᠪᠠᠭᠤᠤ ᠳᠡᠭᠡᠷ᠎ᠡ ᠨᠢᠭᠡ ᠢᠵᠢ ᠭᠠᠷ ᠤᠨ ᠮᠠᠭᠲᠠᠭᠠᠯ ᠵᠡᠭᠦᠵᠦ ᠂ ᠳᠠᠷᠠᠭ᠎ᠠ ᠨᠢ ᠬᠥᠯ ᠦᠨ ᠨᠢᠯᠪᠤᠰᠤ ᠪᠠᠨ ᠮᠢᠨᠦ ᠬᠥᠯ ᠦᠨ ᠱᠠᠭ᠎ᠠ ᠳᠡᠭᠡᠷ᠎ᠡ ᠵᠠᠯᠭᠠᠵᠤ ᠂ ᠲᠡᠭᠦᠨ ᠢ ᠭᠠᠷ ᠤᠨ ᠳᠣᠷᠭᠢᠯᠲᠠ ᠳᠡᠭᠡᠷ᠎ᠡ ᠣᠷᠢᠶᠠᠵᠤ ᠂ ᠢᠩᠭ᠍ᠢᠪᠡᠯ ᠪᠢ ᠤᠤᠯᠭᠠᠯᠠᠭᠳᠠᠵᠤ ᠂ ᠭᠠᠷ ᠬᠥᠯ ᠨᠢ ᠳᠠᠷᠤᠭᠤᠯ ᠮᠣᠳᠣᠨ ᠵᠢᠶᠠᠰᠠᠨ ᠳᠡᠭᠡᠷ᠎ᠡ ᠮᠤᠷᠤᠢ᠌ᠪᠠ ᠃ ᠪᠢ ᠡᠬᠢᠯᠡᠨ ᠳᠡᠭᠡᠳᠦ ᠲᠡᠭᠷᠢ ᠡᠴᠡ ᠬᠥᠭᠡᠷᠦᠬᠦᠢ ᠪᠠᠢ᠌ᠯ᠎ᠠ ᠃ ᠪᠢ ᠤᠵᠢᠳᠯᠠᠭᠳᠠᠬᠤ ᠭᠡᠵᠦ ᠪᠠᠢ᠌ᠬᠤ ᠶᠢ ᠪᠢ ᠮᠡᠳᠡᠨ᠎ᠡ ᠃ ᠪᠢ ᠪᠤᠷᠤᠭᠤᠳᠠᠵᠠᠢ …