Kanegelo ya mengwaga ye lesomenne ya Johnny Marlowe kgolegong ka lebaka la go bolotša morwa wa gagwe.

Baleti ba babedi ba ile ba tsena ka seleng ya-ka ge wa boraro a be a letile kgaufsi le mojako. Mohlapetši wa pele o ile a nkgoromeletša morago ge mohlapetši wa bobedi a tsena ka seleng a goga pere ya go sega yeo e bego e le e telele kudu le e sesane. Mogopolo wa ka o ile wa kitima. Se e ka ba eng? Ke be ke tšhogile e bile ke gakanegile. Ke ile ka gopola makga a mantši ao baleti ba ilego ba mpetha ka difihla, dibutšwana le dithupa. Mohlapetši wa mathomo o ile a nkgoromeletša morago kgahlanong le phapoši ya-ka ya go robala. Pere ya go sega e ile ya kgorometšwa pele ga ka. Go be go se na mo nka kitimago gona e bile go se na tsela ya go tšhaba! Pelo ya-ka e ile ya kitima ka bogale! Mohlapetši wa mathomo o ile a ntshwara ka morago ga hlogo ya-ka gomme a nkgogela pele, a nkgoromeletša fase godimo ga pere ya go sega. Poifo e ile ya hlasela! Na ba be ba tlo nkata? Mohlapetši wa boraro a lahlela ditlemo tše dingwe go mohlapetši wa bobedi. Baleti ba babedi ba ile ba bea sete ya dithapo tša diatla matsogong a ka ke moka ba kgokaganya ditlemo go maqaqailaneng a ka ba di phuthela go dikologa dithapo tša diatla ka fao ke be ke tlemilwe ka seatla le leoto di kobegile godimo ga pere ya go sega. Ke ile ka thoma go rapela Modimo gore a mo gaugele. Ke be ke tseba gore ke kgauswi le go katwa. Ke be ke fošitše...